ಮಾದಕ ವಸ್ತುಗಳ ಸೇವನೆಯ ದುಷ್ಪರಿಣಾಮಗಳ ಬಗ್ಗೆ ಅರಿವು ಕಾರ್ಯಾಗಾರ

DSC_0320

ಕೋಲಾರ ಜಿಲ್ಲಾ ಪೊಲೀಸ್ ವತಿಯಿಂದ ದಿನಾಂಕ 24-09-2018 ರಂದು ಕೋಲಾರದ ಟಿ.ಚನ್ನಯ್ಯ ರಂಗಮಂದಿರದಲ್ಲಿ ಅರಿವು ಕಾರ್ಯಾಗಾರವನ್ನು ಹಮ್ಮಿಕೊಳ್ಳಲಾಗಿತ್ತು. ಕೋಲಾರ ಜಿಲ್ಲಾ ಪ್ರಧಾನ ಸತ್ರ ನ್ಯಾಯಾಲಯದ ನ್ಯಾಯಾಧೀಶರಾದ ಶ್ರೀ ಎನ್.ಎಸ್.ಮಮದಾಪುರ್‍ ರವರು ಕಾರ್ಯಕ್ರವನ್ನು ಉದ್ಘಾಟಿಸಿ ಮಾತನಾಡಿದರು. ಕೋಲಾರ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳಾದ ಡಾ.ರೋಹಿಣಿ ಕಟೋಚ್ ಸೇಪಟ್ ರವರು ಕಾರ್ಯಕ್ರಮದ ಅದ್ಯಕ್ಷತೆಯನ್ನು ವಹಿಸಿದ್ದರು. ಗೌರವ ಅತಿಥಿಗಳಾಗಿ ಶ್ರೀ ಗುರುರಾಜ್ ಜಿ.ಶಿರೋಳ್ ಸದಸ್ಯ ಕಾರ್ಯದರ್ಶಿಗಳು, ಡಿ.ಎಲ್.ಎಸ್.ಎ ರವರು ಆಗಮಿಸಿದ್ದರು. ಜಿಲ್ಲಾ ಹೆಚ್ಚುವರಿ ಪೊಲೀಸ್ ಅಧೀಕ್ಷಕರಾದ ಶ್ರೀ ರಾಜೇಂದ್ರ ಕುಮಾರ್‍ ರವರು ಪ್ರಾಸ್ತಾವಿಕ ಭಾಷಣವನ್ನು ಮಾಡಿದರು. ಕೋಲಾರ ನಗರದ ಹಲವು ಶಾಲೆಗಳಿಂದ ವಿದ್ಯಾರ್ಥಿ ವಿದ್ಯಾರ್ಥಿನಿಯರು ಪಾಲ್ಗೊಂಡಿದ್ದರು. ಕಾರ್ಯಕ್ರಮದಲ್ಲಿ ಮಾದಕ ವಸ್ತುಗಳ ವ್ಯಸನದಿಂದ ಉಂಟಾಗುವ ದುಷ್ಪರಿಣಾಮಗಳ ಬಗ್ಗೆ ಹಾಗೂ ಈ ಸಂಬಂಧ ಕಾನೂನಿನ ಬಗ್ಗೆ ಸೂಕ್ತ ತಿಳುವಳಿಕೆಯನ್ನು ಜಾಗೃತಿಯನ್ನು ಶಾಲಾ ವಿದ್ಯಾರ್ಥಿಗಳಿಗೆ ಮೂಡಿಸಲಾಯಿತು. ಈ ಬಗ್ಗೆ ಕೋಲಾರ ಜಿಲ್ಲಾ ಪೊಲೀಸ್ ವತಿಯಿಂದ ತಯಾರಿಸಲಾದ ಸಾಕ್ಷ್ಯಚಿತ್ರವನ್ನು ಕಾರ್ಯಕ್ರಮದ ಮುಖ್ಯ ಅತಿಥಿಗಳಾದ ಜಿಲ್ಲಾ ಪ್ರಧಾನ ಸತ್ರ ನ್ಯಾಯಾಲಯದ ನ್ಯಾಯಾಧೀಶರಾದ ಶ್ರೀ ಎನ್.ಎಸ್.ಮಮದಾಪುರ್‍ ರವರು ಬಿಡುಗಡೆ ಮಾಡಿದರು.

DSC_0306

ಇದೇ ಸಂಧರ್ಭದಲ್ಲಿ ಕೋಲಾರ ಜಿಲ್ಲಾ ಪೊಲೀಸ್ ಠಾಣೆಗಳಲ್ಲಿ ಬೀಟ್ ವ್ಯವಸ್ಥೆಯನ್ನು ಉನ್ನತೀಕರಿಸುವ ನಿಟ್ಟಿನಲ್ಲಿ ಜಿ.ಪಿ.ಎಸ್ ಆಧಾರಿತ ಆಂಡ್ರಾಂಯ್ಡ್ ಅಪ್ಲಿಕೇಶನ್ ಸುಬಾಹು ಇ-ಬೀಟ್ ತಂತ್ರಾಂಶವಕ್ಕೆ ಅಧಿಕೃತ ಚಾಲನೆ ನೀಡಲಾಯಿತು. ಪೊಲೀಸ್ ಸಿಬ್ಬಂದಿಗಳಿಗೆ ಈ ಸಂಬಂಧ ತಂತ್ರಾಂಶವನ್ನು ಒಳಗೊಂಡ ಮೊಬೈಲ್ ಫೋನ್ ಗಳನ್ನು ನೀಡುವುದರ ಮೂಲಕ ಹೊಸ ಇ-ಬೀಟ್ ವ್ಯವಸ್ಥೆಯನ್ನು ಜಾರಿಗೊಳಿಸಲಾಯಿತು.

ಇತ್ತೀಚೆಗೆ ಮಾಲೂರಿನಿಂದ ವರದಿಯಾಗಿದ್ದ ಅಪ್ರಾಪ್ತ ವಯಸ್ಸಿನ ಬಾಲಕಿಯ ಕೊಲೆ ಪ್ರಕರಣದಲ್ಲಿ ಆರೋಪಿಗೆ ಗಲ್ಲು ಶಿಕ್ಷೆ ತೀರ್ಪು ಹೊರಬಿದ್ದ ಹಿನ್ನೆಲೆಯಲ್ಲಿ ಈ ಪ್ರಕರಣದ ತನಿಖೆಯನ್ನು ನಿರ್ವಹಿಸಿದ, ಆರೋಪಿಯನ್ನು ಪತ್ತೆ ಹಚ್ಚಿದ ಸಿಬ್ಬಂದಿಯವರಿಗೆ ಬಹುಮಾನವನ್ನು ವಿತರಿಸಲಾಯಿತು.

DSC_0369

ಕಾರ್ಯಕ್ರಮದ ನಂತರ ಜಿಲ್ಲಾ ಶಾಲಾ ವಿದ್ಯಾರ್ಥಿಗಳು ನಗರದ ಪ್ರಮುಖ ರಸ್ತೆಗಳಲ್ಲಿ ಜಾಥಾ ಹೊರಡುವ ಮೂಲಕ ನಾಗರೀಕರಿಗೆ ಮಾದಕ ವ್ಯಸನದಿಂದ ಉಂಟಾಗುವ ತೊಂದರೆಗಳ ಬಗ್ಗೆ ಜಾಗೃತಿ ಮೂಡಿಸಿದರು.

| ನಿಮ್ಮ ಟಿಪ್ಪಣಿ ಬರೆಯಿರಿ

ಜಿಲ್ಲಾ ಪೊಲೀಸ್ ವತಿಯಿಂದ ನಾಗರೀಕ ಬಂದೂಕು ತರಬೇತಿ ಶಿಬಿರ

IMG-20180917-WA0033

ಕೋಲಾರ ಜಿಲ್ಲೆ ಪೊಲೀಸ್ ವತಿಯಿಂದ ದಿನಾಂಕ 17-09-2018 ರಿಂದ 23-09-2018 ರವರೆಗೆ ನಡೆಯಲಿರುವ ನಾಗರೀಕ ಬಂದೂಕು ತರಬೇತಿ ಶಿಬಿರದ ಉದ್ಘಾಟನೆಯನ್ನು ಮಾನ್ಯ ಪೊಲೀಸ್ ಅಧೀಕ್ಷಕರಾದ ಶ್ರೀಮತಿ ರೋಹಿಣಿ ಕಟೋಚ್ ಸೆಪಟ್, ಐ.ಪಿ.ಎಸ್ ರವರು ಡಿ.ಎ.ಆರ್‍ ಕೇಂದ್ರ ಸ್ಥಾನದಲ್ಲಿ ಉದ್ಘಾಟಿಸಿದರು. ಈ ತರಬೇತಿಯಲ್ಲಿ ಜಿಲ್ಲೆಯ ಎಲ್ಲ ತಾಲ್ಲೂಕುಗಳಿಂದ ಸುಮಾರು 50 ಕ್ಕೂ ಹೆಚ್ಚು ನಾಗರೀಕರು ಭಾಗವಹಿಸಿದ್ದರು. ಸದರಿ ತರಬೇತಿಯ ಸದುಪಯೋಗ ಪಡಿಸಿಕೊಳ್ಳಲು ನಾಗರೀಕರಿಗೆ ಮಾನ್ಯ ಪೊಲೀಸ್ ಅಧೀಕ್ಷಕರು ತಿಳಿಸಿದರು. ಮುಂದಿನ ತಂಡದ ತರಬೇತಿಯನ್ನು ಡಿಸೆಂಬರ್‍ ಮಾಹೆಯಲ್ಲಿ ನಡೆಸಲಿದ್ದು ಆಸಕ್ತರು ಜಿಲ್ಲಾ ಪೊಲೀಸ್ ಅನ್ನು ಸಂಪರ್ಕಿಸಬಹುದು.

| ನಿಮ್ಮ ಟಿಪ್ಪಣಿ ಬರೆಯಿರಿ

ಮಾಲೂರು ಪೊಲೀಸ್ ಠಾಣೆಯ ಅಪ್ರಾಪ್ತ ಬಾಲಕಿ ಕೊಲೆ ಪ್ರಕರಣದಲ್ಲಿ ಆರೋಪಿಗೆ ಗಲ್ಲು ಶಿಕ್ಷೆ

ದಿನಾಂಕ:01/08/2018 ರಂದು ಮಾಲೂರಿನ ಅಪ್ರಾಪ್ತ ಬಾಲಕಿಯ ಅತ್ಯಾಚಾರ ಯತ್ನ ಹಾಗೂ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮಾಲೂರು ಠಾಣೆಯಲ್ಲಿ ಮೊ.ಸಂ.243/2018 ರೀತ್ಯಾ ಕೇಸು ದಾಖಲಾಗಿತ್ತು.

ಈ ಪ್ರಕರಣಲದಲ್ಲಿ ಮಾನ್ಯ ಎಸ್.ಪಿ. ಸಾಹೇಬರಾದ ಡಾ:ರೋಹಿಣಿ ಕಟೋಚ್ ಸೆಪಟ್,  ಮತ್ತು  ಮಾನ್ಯ ಅಡಿಷನಲ್ ಎಸ್.ಪಿ ಸಾಹೇಬರ ನೇತೃತ್ವದಲ್ಲಿ  ಕೋಲಾರ ಉಪ ವಿಭಾಗದ ಮಾನ್ಯ ಡಿ.ಎಸ್.ಪಿ ಸಾಹೇಬರಾದ ಶ್ರೀ ಉಮೇಶ್ ಸಾಹೇಬರ ಮಾರ್ಗದರ್ಶನದಲ್ಲಿ ಮಾಲೂರು ವೃತ್ತ ನಿರೀಕ್ಷಕರಾದ ಶ್ರೀ ಬಿ.ಎಸ್.ಸತೀಶ್, ಸಿ.ಪಿ.ಐ, ಮಾಲೂರು ಠಾಣೆಯ ಪಿ.ಎಸ್.ಐ ಶ್ರೀ ಎಂ.ಎನ್.ಮುರಳಿ, ಮಾಸ್ತಿ ಪಿ.ಎಸ್.ಐ ಶ್ರೀ ಎಂ.ಎಲ್ ಗಿರೀಶ್  ಮತ್ತು ಸಿಬ್ಬಂದಿಯವರು ಈ ಕೇಸಿನ ಆರೋಪಿ ಟಿ.ಎನ್.ಸುರೇಶ್ ಬಾಬು  @  @ ಸೂರಿ ಬಿನ್ ನಾರಾಯಣಸ್ವಾಮಿ, 25ವರ್ಷ, ಟೇಕಲ್ ಗ್ರಾಮ, ಮಾಲೂರು ತಾಲ್ಲೂಕು ಎಂಬುವನನ್ನು 24 ಗಂಟೆಗಳ ಒಳಗೆ ಬಂಧಿಸಿ ಆರೋಪಿಯನ್ನು ಘನ ನ್ಯಾಯಾಲಯಕ್ಕೆ ಹಾಜರ್ಪಡಿಸಿ ತನಿಖೆಯನ್ನು ಕೈಗೊಂಡು 21 ದಿನಗಳಲ್ಲಿ ಎಲ್ಲಾ ಸಾಕ್ಷ್ಯದಾರಗಳನ್ನು ಸಂಗ್ರಹಿಸಿ ಆರೋಪಿಯ ವಿರುದ್ದ ಮಾಲೂರು ವೃತ್ತ ನಿರೀಕ್ಷಕರಾದ ಶ್ರೀ ಬಿ.ಎಸ್.ಸತೀಶ್ ರವರು ಕಲಂ 302, 341, 376, 511, ಐ.ಪಿ.ಸಿ ಮತ್ತು ಕಲಂ 8 ಪೋಕ್ಸೋ ಆಕ್ಟ್ ರೀತ್ಯ ದೋಷಾರೋಪಣಾ ಪಟ್ಟಿಯನ್ನು ಘನ ನ್ಯಾಯಾಲಯಕ್ಕೆ ಸಲ್ಲಿಸಿಕೊಂಡಿರುತ್ತಾರೆ.

ಸದರಿ ಪ್ರಕರಣದ ಕುರಿತು ಘನ ಜಿಲ್ಲಾ ಸತ್ರ ನ್ಯಾಯಾಲಯದಲ್ಲಿ ಮಾನ್ಯ ನ್ಯಾಯಾದೀಶರು 24 ದಿನಗಳಲ್ಲಿ  ವಿಚಾರಣೆಯನ್ನು ಪೂರೈಸಿ  ದಿನಾಂಕ:15/09/2018 ರಂದು ಈ ಕೇಸಿನಲ್ಲಿ ಆರೋಪಿ ಟಿ.ಎನ್.ಸುರೇಶ್ ಬಾಬು @ ಬಾಬು @ ಸೂರಿ ಬಿನ್ ನಾರಾಯಣಸ್ವಾಮಿ, 25ವರ್ಷ, ಪ.ಜಾತಿ, ಗಾರೆ ಕೆಲಸ, ವಾಸ: ಟೇಕಲ್ ಗ್ರಾಮ, ಮಾಲೂರು ತಾಲ್ಲೂಕು ರವರಿಗೆ ಕಲಂ 235(2) ಸಿ.ಆರ್.ಪಿ.ಸಿ ರೀತ್ಯಾ ಗಲ್ಲು ಶಿಕ್ಷೆಯನ್ನು ವಿಧಿಸಿ ಆದೇಶ ಮಾಡಿರುತ್ತೆ.  ಈ ಪ್ರಕರಣದಲ್ಲಿ ತನಿಖಾಧಿಕಾರಿಗಳು ಮತ್ತು ತನಿಖೆಗೆ ಸಹಕರಿಸಿದ ಎಲ್ಲಾ ಆದಿಕಾರಿ ಮತ್ತು ಸಿಬ್ಬಂದಿಯವರನ್ನು ಪ್ರಶಂಶಿಸಿರುತ್ತಾರೆ.

 

| ನಿಮ್ಮ ಟಿಪ್ಪಣಿ ಬರೆಯಿರಿ

ಮಾಸ್ತಿ ಪೊಲೀಸ್ ಠಾಣೆಯ ಅತ್ಯಾಚಾರ ಪ್ರಕರಣದಲ್ಲಿ ಆರೋಪಿಗಳಿಗೆ ಗಲ್ಲು ಶಿಕ್ಷೆ

ದಿನಾಂಕ: 02-7-2014 ರಂದು ಮಾಲೂರು ತಾಲ್ಲೂಕು ಮಾಸ್ತಿ ಗ್ರಾಮದಲ್ಲಿ ಅಪ್ರಾಪ್ತ ವಯಸ್ಸಿನ ಬಾಲಕಿಯ ಮೇಲೆ ಅತ್ಯಾಚಾರ ಮಾಡಿದ ಬಗ್ಗೆ ಮೊ.ಸಂ-83/2014 ರೀತ್ಯಾ ಪ್ರಕರಣ ದಾಖಲಿಸಾಗಿತ್ತು.

ಈ ಪ್ರಕರಣದಲ್ಲಿ ಅಂದಿನ  ಎಸ್.ಪಿ ಸಾಹೇಬರಾದ ಶ್ರೀ ಅಜಯ್ ಹಿಲೋರಿ, ಐ.ಪಿ.ಎಸ್ ಮತ್ತು  ಮಾನ್ಯ ಅಡಿಷನಲ್ ಎಸ್.ಪಿ ಸಾಹೇಬರ ನೇತೃತ್ವದಲ್ಲಿ  ಮಾನ್ಯ ಡಿ.ಎಸ್.ಪಿ ಸಾಹೇಬರ ಮಾರ್ಗದರ್ಶನದಲ್ಲಿ ಅಂದಿನ ಮಾಲೂರು ವೃತ್ತ ನಿರೀಕ್ಷಕರಾದ ಶ್ರೀ ಟಿ.ಎಂ.ಶಿವಕುಮಾರ್, ಸಿ.ಪಿ.ಐ, ಮಾಸ್ತಿ ಠಾಣೆಯ ಪಿ.ಎಸ್.ಐ ಸಿದ್ದಪ್ಪ ಮತ್ತು ಸಿಬ್ಬಂದಿಯವರು ಶೀಘ್ರವಾಗಿ ಆರೋಪಿಗಳನ್ನು ಬಂಧಿಸಿ ಘನ ನ್ಯಾಯಾಲಯಕ್ಕೆ ಹಾಜರ್ಪಡಿಸಿ ತನಿಖೆಯನ್ನು ಕೈಗೊಂಡು ಎಲ್ಲಾ ಸಾಕ್ಷ್ಯದಾರಗಳನ್ನು ಸಂಗ್ರಹಿಸಿ ಆರೋಪಿಗಳ ವಿರುದ್ದ ಅಂದಿನ ಸಿ.ಪಿ.ಐ ಶ್ರೀ ಟಿ.ಎಂ. ಶಿವಕುಮಾರ್ ರವರು ದೋಷಾರೋಪಣಾ ಪಟ್ಟಿಯನ್ನು ಘನ ನ್ಯಾಯಾಲಯಕ್ಕೆ ಸಲ್ಲಿಸಿಕೊಂಡಿರುತ್ತಾರೆ.

ಸದರಿ ಪ್ರಕರಣವು ಘನ 2ನೇ ಜಿಲ್ಲಾ ಸತ್ರ ನ್ಯಾಯಾಲಯದಲ್ಲಿ ಎಸ್.ಸಿ. ನಂ.202/2014 ರಲ್ಲಿ ವಿಚಾರಣೆ ನಡೆದು ದಿನಾಂಕ:15/09/2018 ರಂದು ಈ ಕೇಸಿನಲ್ಲಿ ಆರೋಪಿಗಳಾದ ಎ1- ಮುನಿಕೃಷ್ಣ ಬಿನ್ ತಿಮ್ಮರಾಯಪ್ಪ, 23ವರ್ಷ, ನಾಯಕರು, ಸೆಕ್ಯೂರಿಟಿ ಕೆಲಸ, ವಾಸ: ಕುಪ್ಪೂರು ಗ್ರಾಮ, ಮಾಲೂರು ತಾಲ್ಲೂಕು, ಎ2- ನಾರಾಯಣಸ್ವಾಮಿ ಬಿನ್ ಚೌಡಪ್ಪ, 22ವರ್ಷ, ನಾಯಕರು,  ಕೂಲಿ, ವಾಸ: ಕುಪ್ಪೂರು ಗ್ರಾಮ, ಮಾಲೂರು ತಾಲ್ಲೂಕು, ಎ3- ಅನಿಲ್ ಕುಮಾರ್ ಬಿನ್ ನಾರಾಯಣಸ್ವಾಮಿ, 20ಜವರ್ಷ, ಪ.ಜಾತಿ, ಬೆಂಗಳೂರಿನ ಆರ್.ಸಿ. ಕಾಲೇಜಿನಲ್ಲಿ 2ನೇ ಬಿಕಾಂ ವಿದ್ಯಾರ್ಥಿ, ವಾಸ:ಕುಪ್ಪೂರು ಗ್ರಾಮ, ಮಾಲೂರು ತಾಲ್ಲೂಕು. ಎ4-ಕೃಷ್ಣ @ ಕೃಷ್ಣಮೂರ್ತಿ ಬಿನ್ ಯಲ್ಲಪ್ಪ, 20ವರ್ಷ, ಪ.ಜಾತಿ, ಟ್ರಾಕ್ಟರ್ ಚಾಲಕ, ಕುಪ್ಪೂರು ಗ್ರಾಮ, ಮಾಲೂರು ತಾಲ್ಲೂಕು, ರವರಿಗೆ ಕಲಂ 235(2) ಸಿ.ಆರ್.ಪಿ.ಸಿ ರೀತ್ಯಾ ಗಲ್ಲು ಶಿಕ್ಷೆಯನ್ನು ವಿಧಿಸಿ ಆಧೇಶ ಮಾಡಿರುತ್ತೆ.  ಈ ಪ್ರಕರಣದಲ್ಲಿ ತನಿಖಾಧಿಕಾರಿಗಳು ಮತ್ತು ತನಿಖೆಗೆ ಸಹಕರಿಸಿದ ಎಲ್ಲಾ ಆದಿಕಾರಿ ಮತ್ತು ಸಿಬ್ಬಂದಿಯವರನ್ನು ಪ್ರಶಂಶಿಸಿರುತ್ತಾರೆ.

| ನಿಮ್ಮ ಟಿಪ್ಪಣಿ ಬರೆಯಿರಿ

ಮಾಲೂರು ಪೊಲೀಸರ ಕಾರ್ಯಾಚರಣೆ: ಕೊಲೆ ಆರೋಪಿಯ ಬಂಧನ

ದಿನಾಂಕ 1-8-2018 ರಂದು ಮಾಲೂರು ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ, ಖಾಸಾಗಿ ಶಾಲೆಯ 10 ನೇ ತರಗತಿ 15 ವರ್ಷದ ವಿದ್ಯಾಥರ್ಿ ಈಕೆಯನ್ನು ಮಾಲೂರು – ಮಾಸ್ತಿ ರಸ್ತೆ ರೈಲ್ವೆ ಬ್ರಿಡ್ಜ್ ಬಳಿ, ಅತ್ಯಾಚಾರವೆತ್ನಿಸಲು ಪ್ರಯತ್ನಿಸಿ, ಕೊಲೆ ಮಾಡಿದ್ದು. ಮಾಲೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ನೊಂದಾಣಿಯಾಗಿ ತನಿಖೆಯಲ್ಲಿದ್ದು. ಈ ಕೃತ್ಯವು ಬಹು ಘೋರ ಕೃತ್ಯವಾಗಿದ್ದು, ಸಾರ್ವಜನಿಕರ ಅಕ್ರೋಶಕ್ಕೆ ಕಾರಣವಾಗಿದ್ದು. ಕೇಂದ್ರ ವಲಯದ ಪೊಲೀಸ್ ಮಹಾನೀರಿಕ್ಷಕರಾದ, ಶ್ರೀ. ಬಿ. ದಯಾನಂದ್, ಐಪಿಎಸ್, ರವರು ಖುದ್ದು ಘಟನಾ ಸ್ಥಳಕ್ಕೆ ಭೇಟಿ ನೀಡಿ, ಡಾ: ರೋಹಿಣಿ ಕಟೋಚ್ ಸೆಪಟ್, ಪೋಲಿಸ್ ಅಧೀಕ್ಷಕರು ಕೋಲಾರ, ಜಿಲ್ಲೆ ರವರ ನೇತೃತ್ವದಲ್ಲಿ ಅರೋಪಿಯನ್ನು ಪತ್ತೆ ಹಚ್ಚಲು ಸೂಚಿಸಿ ಮಾರ್ಗದರ್ಶನ ನೀಡಿದ್ದು, ಮಾನ್ಯ ಕೋಲಾರ ಜಿಲ್ಲೆ ಎಸ್.ಪಿ ರವರು, ಅಡಿಷನಲ್ ಎಸ್ಪಿ ಶೀ. ರಾಜೀವ್, ಡಿವೈಎಸ್ಪಿ. ಶ್ರೀ. ಬಿ.ಕೆ. ಉಮೇಶ್, ಮಾಲೂರು ವೃತ್ತ ನಿರೀಕ್ಷಕರಾದ ಶ್ರೀ. ಬಿ.ಎಸ್.ಸತೀಶ್, ಪಿಎಸ್ಐ, ಎಂ.ಎಲ್.ಗಿರೀಶ್, ಪಿಎಸ್ಐ ಎಮ್. ಎನ್.ಮುರಳಿ ಮತ್ತು ಸಿಬ್ಬಂದಿಯವರ ತಂಡವನ್ನು ರಚಿಸಿದ್ದು. ಅರೋಪಿಯನ್ನು ಪತ್ತೆ ಮಾಡಲು ಮಾರ್ಗರ್ಶನ ನೀಡಿದ್ದು. ತಂಡವು ಘಟನೆ ಜರುಗಿದ ಸಮಯದಿಂದ ಕಾರ್ಯಪ್ರವೃತ್ತರಾಗಿ ಸತತವಾಗಿ 2 ದಿವಸಗಳ ನಿರಂತರ ಕಾರ್ಯಾಚರಣೆ ನೆಡೆಸಿ ಅರೋಪಿಯ ಬಗ್ಗೆ ಮಾಹಿತಿಯನ್ನು ಸಂಗ್ರಹಿಸಿ, ಅರೋಪಿ ತಲೆಮರಿಸಿಕೊಂಡು ರೈಲಿನ ಮುಖಾಂತರ ದೂರ ಓಡಿ ಹೋಗಲು ಪ್ರಯತ್ನಿಸುತ್ತಿದ್ದ ಸಮಯದಲ್ಲಿ ಟೇಕಲ್ ರೈಲ್ವೆ ನಿಲ್ದಾಣದಲ್ಲಿ ತಂಡದವರು ಆರೋಪಿಯನ್ನು ದಿನಾಂಕ 03-08-2018 ರಂದು ಬೆಳಿಗಿನ ಜಾವ ಬಂದಿಸಿರುತ್ತಾರೆ. ಅರೋಪಿಯ ಹೆಸರು, ಟಿ.ಎನ್ ಸುರೇಶ್ ಬಾಬು @ ಬಾಬು @ ಸೂರಿ ಬಿನ್ ನಾರಾಯಣಸ್ವಾಮಿ. 25 ವರ್ಷ, ಟೇಕಲ್ ವಾಸಿಯಾಗಿದ್ದು, ವೃತ್ತಿಯಲ್ಲಿ ಗಾರೆ ಕೆಲಸ ಮಾಡಿಕೊಂಡಿರುತ್ತಾನೆ. ಆರೋಪಿಯು ತಾನು ಇಂದಿರಾ ನಗರದಲ್ಲಿ ಗಾರೆ ಕಲಸ ಮಾಡುತ್ತಿದ್ದ ಸಮಯದಲ್ಲಿ ಮೃತೆ ವಿದ್ಯಾಥರ್ಿಯನ್ನು ನೋಡುತ್ತಿದ್ದು ಅಕೆಯ ಮೇಲೆ ಇಷ್ಟವಾಗಿದ್ದು, ದಿನಾಂಕ 1-8-2018 ರಂದು ತನ್ನ ಸ್ನೇಹಿತೆಯ ಜೊತೆ ನೆಡೆದುಕೊಂಡು ಬರುತ್ತಿದ್ದ ಸಮಯದಲ್ಲಿ ಅಡ್ಡಗಟ್ಟಿ ಹಿಡಿದುಕೊಂಡು, ಅತ್ಯಾಚಾರ ವೆಸಗಲು ಪ್ರಯತ್ನಿಸಿ ಅಕೆ ಕಿರುಚಿಕೊಂಡು ಪ್ರತಿಭಟಿಸಿದ್ದರಿಂದ ಆಕೆಯ ತಲೆಗೆ ಕಲ್ಲಿನಿಂದ ಹಲ್ಲೆ ಮಾಡಿ ಕೊಲೆ ಮಾಡಿರುತ್ತಾನೆ. ಅರೋಪಿಯ ತನ್ನ ದುಷೃತ್ಯವನ್ನು ಒಪ್ಪಿಕೊಂಡಿರುತ್ತಾನೆ. ಅರೋಪಿಯನ್ನು ಅತೀ ಶೀಘ್ರದಲ್ಲಿ ಬಂಧಿಸಿದ ಅಡಿಷನಲ್ ಎಸ್ಪಿ ಶೀ. ರಾಜೀವ್ , ಡಿವೈಎಸ್ಪಿ. ಶ್ರೀ. ಬಿ.ಕೆ. ಉಮೇಶ್, ಮಾಲೂರು ವೃತ್ತ ನಿರೀಕ್ಷಕರಾದ ಶ್ರೀ. ಬಿ.ಎಸ್.ಸತೀಶ್, ಪಿಎಸ್ಐ, ಎಂ.ಎಲ್.ಗಿರೀಶ್, ಪಿಎಸ್ಐ ಎಮ್.ಎನ್.ಮುರಳಿ ಸಿಬ್ಬಂದಿಯವರಾದ ಪಿಸಿ ಕೋದಂಡಪಾಣಿ. ಪಿಸಿ ಮುರಳಿ ಮೋಹನ್, ಪಿಸಿ ವೆಂಕಟೇಶ್, ಎಹೆಚ್ಸಿ ನಾಗೇಂದ್ರ ರವರುಗಳ ಕಾರ್ಯವನ್ನು ಮಾನ್ಯ ಕೆಂದ್ರ ವಲಯದ ಐಜಿಪಿ ಶ್ರೀ. ಬಿ. ದಯಾನಂದ್, ಐಪಿಸ್, ರವರು ಶ್ಲಾಘಿಸಿರುತ್ತಾರೆ. ಕೋಲಾರ ಜಿಲ್ಲಾ ಪೊಲೀಸ್ ವರಿಷ್ಠಾದಿಕಾರಿ ಡಾ: ರೋಹಿಣಿ ಕಟೋಚ್ ಸೆಪೆಟ್, ಐಪಿಎಸ್ ರವರು ತಂಡದ ಕಾರ್ಯವನ್ನು ಪ್ರಶಂಸಿಸಿ ಬಹುಮಾನವನ್ನು ಘೋಷಿಸಿರುತ್ತಾರೆ.

| ನಿಮ್ಮ ಟಿಪ್ಪಣಿ ಬರೆಯಿರಿ

ಕಾನೂನು ಅರಿವು ಕಾಯರ್ಾಗಾರದ ಬಗ್ಗೆ

 

ದಿನಾಂಕ:10/09/2017 ರಂದು ನ್ಯಾಯಾಂಗ ಇಲಾಖೆ, ಅಭಿಯೋಜನೆ ಇಲಾಖೆ ಮತ್ತು ಪೊಲೀಸ್ ಇಲಾಖೆಯ ಅಧಿಕಾರಿ ಮತ್ತು ಸಿಬ್ಬಂದಿಗಳಿಗೆ ಒಂದು ದಿನದ ಕಾನೂನು ಅರಿವು ಕಾಯರ್ಾಗಾರವನ್ನು ಕೋಲಾರ ಜಿಲ್ಲಾ ಪಂಚಾಯಿತಿ ಸಂಭಾಗಣದಲ್ಲಿ ಹಮ್ಮಿಕೊಳ್ಳಲಾಗಿತ್ತು. ಸದರಿ ಕಾಯರ್ಾಗಾರವನ್ನು ಜಿಲ್ಲಾ ಸತ್ರ ನ್ಯಾಯಾಲಯದ ಗೌರವಾನ್ವಿತ ನ್ಯಾಯಾದೀಶರಾದ ಶ್ರೀಮತಿ ಎಸ್.ಮಹಾಲಕ್ಷ್ಮೀ ನೇರಳೆ ರವರು ಉದ್ಘಾಟನೆ ಮಾಡಿದರು. ಕಾಯರ್ಾಗಾರದ ಅಧ್ಯಕ್ಷತೆಯನ್ನು ಕೋಲಾರ ಜಿಲ್ಲಾ ಪೊಲೀಸ್ ಅಧೀಕ್ಷಕರಾದ ಡಾ|| ರೋಹಿಣಿ ಕಟೋಚ್ ಸೆಪೆಟ್, ಐ.ಪಿ.ಎಸ್, ರವರು ವಹಿಸಿದ್ದರು.

ಕಾಯರ್ಾಗಾರದಲ್ಲಿ ಪೋಕ್ಸೋ ಕಾಯಿದೆ, ನೊಂದವರಿಗೆ ಪರಿಹಾರದ ಯೋಜನೆ-2011, ಎನ್.ಡಿ.ಪಿ.ಎಸ್. ಕಾಯಿದೆ ಕುರಿತು ಚಚರ್ಿಸಲಾಯಿತು. ಕಾಯರ್ಾಗಾರದಲ್ಲಿ ಪೋಕ್ಸೋ ಕಾಯಿದೆ ಅಡಿಯಲ್ಲಿ ವರದಿಯಾಗುವ ಪ್ರಕರಣಗಳಲ್ಲಿ ಕೈಗೊಳ್ಳಬೇಕಾದ ಕ್ರಮಗಳ ಬಗ್ಗೆ ನ್ಯಾಯಾಧೀಶರಾದ ಶ್ರೀಮತಿ ರೇಖಾ ಮತ್ತು ಶ್ರೀ ಜಗದೀಶ್ವರ ರವರು ಸೂಚನೆಗಳನ್ನು ನೀಡಿದರು. ಕೃತ್ಯ ವರದಿಯಾದ ತಕ್ಷಣ ಪ್ರಕರಣಕ್ಕೆ ಸಂಬಂಧಪಟ್ಟ ಸೂಕ್ತ ಸಾಕ್ಷಾಧಾರಗಳನ್ನು ಸಂಗ್ರಹಿಸಿ ಸಂಬಂಧಪಟ್ಟ ಆರೋಪಿಗಳ ವಿರುದ್ದ ಶೀಘ್ರವಾಗಿ ದೋಷಾರೋಪಣಾ ಪಟ್ಟಿಯನ್ನು ಸಲ್ಲಿಸಿ ಆರೋಪಿಗಳಿಗೆ ಶಿಕ್ಷೆಯಾಗಲು ಕ್ರಮ ಕೈಗೊಳ್ಳುವಂತೆ ಸಲಹೆ ನೀಡಲಾಯಿತು. ಪೋಕ್ಸೋ ಪ್ರಕರಣಗಳಲ್ಲಿ ಸಂತ್ರಸ್ಥೆಯಿಂದ ಹೇಳಿಕೆ ಪಡೆಯುವ ವೇಳೆಯಲ್ಲಿ ಪೊಲೀಸರು ಸಮವಸ್ತ್ರದಲ್ಲಿ ಇರಬಾರದು ಮತ್ತು ಅವರ ಆಪ್ತರ ಸಮ್ಮುಖದಲ್ಲಿ ಹೇಳಿಕೆ ಪಡೆಯುವುದು ಸೂಕ್ತವೆಂದು ತಿಳಿಸಿದರು. ಪೋಕ್ಸೋ ಕಾಯಿದೆ ಅಡಿಯಲ್ಲಿ ವರದಿಯಾಗುವ ಪ್ರಕರಣಗಳಲ್ಲಿ 2 ತಿಂಗಳ ಒಳಗಾಗಿ ತನಿಖಾಧಿಕಾರಿಗಳು ದೋಷಾರೋಪಣಾ ಪಟ್ಟಿಯನ್ನು ಸಲ್ಲಿಸಬೇಕು ಎಂದು ಸುಪ್ರಿಂ ಕೋಟರ್್ ಆದೇಶ ನೀಡಿದೆ ಹಾಗೆಯ 30 ದಿನಗಳ ಒಳಗಾಗಿ ಸಂತ್ರಸ್ಥೆಯ ಹೇಳಿಕೆ ಪಡೆಯಬೇಕು ಎಂದು ಹೈಕೋಟರ್್ ಆದೇಶಿಸಿದೆ ಎಂದು ಶ್ರೀಮತಿ ಎಸ್.ಮಹಾಲಕ್ಷ್ಮೀ ನೇರಳೆ ರವರು ತಿಳಿಸಿದರು.

ಎನ್.ಡಿ.ಪಿ.ಎಸ್. ಪ್ರಕರಣಗಳಲ್ಲಿ ಕೈಗೊಳ್ಳಬಹುದಾದ ತನಿಖಾ ವಿಧಾನಗಳ ಬಗ್ಗೆ ಶಿವಮೊಗ್ಗೆ ಜಿಲ್ಲೆಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿರುವ ಅಬ್ಕಾರಿ ಇಲಾಖೆಯ ಇನ್ಸ್ಪೆಕ್ಟರ್ ರವರಾದ ಶ್ರೀ ಸೈಯದ್ ತಫ್ಜೀಲ್ ಉಲ್ಲಾರವರು ತಿಳಿಸಿದರು.

ಪ್ರಕರಣಗಳಲ್ಲಿ ನೊಂದವರಿಗೆ ನೀಡುವಂತಹ ಪರಿಹಾರಗಳ ಬಗ್ಗೆ ಜಿಲ್ಲಾ ಕಾನೂನು ಸೇವೆಗಳ ಪ್ರಾಧಿಕಾರದ ಸದಸ್ಯ ಕಾರ್ಯದಶರ್ಿಗಳಾದ ಮಾನ್ಯ ಗುರುರಾಜ್ ಜಿ.ಶಿರೋಲ್ ರವರು ವಿವರಣೆಗಳನ್ನು ನೀಡಿದರು.

ಕಾಯರ್ಾಗಾರದಲ್ಲಿ ಜಿಲ್ಲೆಯ ಎಲ್ಲಾ ನ್ಯಾಯಾಲಯಗಳ ನ್ಯಾಯಾಧೀಶರು, ಸಕರ್ಾರಿ ಅಭಿಯೋಜಕರು ಸಹಾಯಕ ಅಭಿಯೋಜಕರು, ಕೆ.ಜಿ.ಎಫ್. ಜಿಲ್ಲೆಯ ಪೊಲೀಸ್ ಅಧೀಕ್ಷಕರು, ಕೋಲಾರ ಮತ್ತು ಕೆ.ಜಿ.ಎಫ್. ಜಿಲ್ಲೆಯ ಪೊಲೀಸ್ ಅಧಿಕಾರಿಗಳು ಮತ್ತು ಸಿಬ್ಬಂದಿ ವರ್ಗದವರು ಭಾಗವಹಿಸಿದ್ದರು.

Posted in ಪತ್ರಿಕಾ ಪ್ರಕಟಣೆಗಳು | ನಿಮ್ಮ ಟಿಪ್ಪಣಿ ಬರೆಯಿರಿ

ಕೊಲೆ ಪ್ರಕರಣ ಬೇಧಿಸಿದ ಕೋಲಾರ ನಗರ ಪೊಲೀಸರು

ದಿನಾಂಕ:26/08/2017 ರಂದು ರಾತ್ರಿ 7-30 ಗಂಟೆಯಲ್ಲಿ ಸೈಯದ್ ರಿಯಾಜ್ ಬಿನ್ ಲೇಟ್ ಸೈಯದ್ ಮೊಹಿದೀನ್, 60 ವರ್ಷ, ಮೀನಾ ಮಸೀದಿ ಎದುರು, ರಾಜಾ ನಗರ, ಕೋಲಾರ ಎಂಬು ವವನು ಕೋಲಾರ ರಹಮತ್ ನಗರದ ಅಬ್ದುಲ್ ಖಯ್ಯೂಂ ಬಿನ್ ಲೇಟ್ ಅಬ್ದುಲ್ ರಶೀದ್ ಎಂಬುವ ವರನ್ನು ಕರೆದುಕೊಂಡು ಹೋಗಿ ಕೋಲಾರ ಬ್ರಾಹ್ಮಣರ ಬೀದಿಯಲ್ಲಿರುವ ಸುಧಾ ಲಾಡ್ಜಿನಲ್ಲಿ ರೂಂ ಮಾಡಿ ಅಬ್ದುಲ್ ಖಯ್ಯೂಂ ರವರ ಕತ್ತು ಹಿಸುಕಿ ಕೊಲೆ ಮಾಡಿ ರೂಮಿನ ಬಾಗಿಲಿಗೆ ಬೀಗ ಹಾಕಿಕೊಂಡು ಪರಾರಿಯಾಗಿದ್ದನು. ಈ ಬಗ್ಗೆ ದಿನಾಂಕ:27/08/2017 ರಂದು ಮೃತನ ತಮ್ಮ ರಿಯಾಜ್ ಪಾಷ ರವರು ಕೊಟ್ಟಿರುವ ದೂರಿನ ಮೇರೆಗೆ ಕೋಲಾರ ನಗರ ಪೊಲೀಸ್ ಠಾಣೆಯಲ್ಲಿ ಮೊ.ಸಂ:167/2017 ಕಲಂ: 302 ಐ.ಪಿ.ಸಿ ರೀತ್ಯಾ ಕೇಸು ದಾಖಲಾಗಿರುತ್ತದೆ.

ಮಾನ್ಯ ಡಾ|| ರೋಹಿಣಿ ಕಟೋಚ್ ಸೆಪೆಟ್, ಐ.ಪಿ.ಎಸ್, ಪೊಲೀಸ್ ಅಧೀಕ್ಷಕರು, ಕೋಲಾರ ಜಿಲ್ಲೆ, ಕೋಲಾರ, ಶ್ರೀ.ರಾಜೀವ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕರು, ಕೋಲಾರ ಜಿಲ್ಲೆ, ಕೋಲಾರ ಮತ್ತು ಶ್ರೀ.ಅಬ್ದುಲ್ ಸತ್ತಾರ್, ಪೊಲೀಸ್ ಉಪಾಧೀಕ್ಷಕರು, ಕೋಲಾರ ಉಪವಿಭಾಗ, ಕೋಲಾರ ರವರ ಮಾರ್ಗ ದರ್ಶನದಲ್ಲಿ ಶ್ರೀ.ಲೋಕೇಶ.ಎಂ.ಜೆ, ಸಿ.ಪಿ.ಐ, ಕೋಲಾರ ನಗರ ವೃತ್ತದ ರವರ ನೇತೃತ್ವದಲ್ಲಿ ಈ ಕೇಸಿನ ಆರೋಪಿಗಳ ಪತ್ತೆಯ ಬಗ್ಗೆ ನೇಮಕಗೊಂಡಿದ್ದ ಕೋಲಾರ ನಗರ ಪೊಲೀಸ್ ಠಾಣೆಯ ಪಿ.ಎಸ್.ಐ ಶ್ರೀ.ಹೊನ್ನೇಗೌಡ, ಎ.ಎಸ್.ಐ ಬೀರೇಗೌಡ ಮತ್ತು ಸಿಬ್ಬಂದಿಯವರಾದ ಹೆಚ್.ಸಿ-39 ಹಮೀದ್ ಖಾನ್, ಹೆಚ್.ಸಿ-199 ರಾಘ ವೇಂದ್ರ, ಹೆಚ್.ಸಿ-183 ನರೇಂದ್ರ ಮತ್ತು ಪಿ.ಸಿ-668 ಆಂಜನಪ್ಪ ರವರು ತಲೆಮರೆಸಿ ಕೊಂಡಿದ್ದ ಆರೋಪಿ ಸೈಯದ್ ರಿಯಾಜ್ ಬಿನ್ ಲೇಟ್ ಸೈಯದ್ ಮೊಹಿದೀನ್ನನ್ನು ಕೇಸು ದಾಖಲಾದ 24 ಗಂಟೆಗಳೊಳಗೆ ದಿನಾಂಕ:28/8/2017 ರಂದು ಬೆಳಿಗ್ಗೆ 11-00 ಗಂಟೆಯಲ್ಲಿ ಪತ್ತೆ ಮಾಡಿ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿರುತ್ತಾರೆ.

Posted in ಪತ್ರಿಕಾ ಪ್ರಕಟಣೆಗಳು | ನಿಮ್ಮ ಟಿಪ್ಪಣಿ ಬರೆಯಿರಿ

ಮುಳಬಾಗಿಲು ಪೊಲೀಸರ ಕಾರ್ಯಾಚರಣೆ: ವಾಹನ ಕಳ್ಳರ ಬಂಧನ

ಕಾರುಗಳನ್ನು ಬಾಡಿಗೆಗೆ ತೆಗೆದುಕೊಂಡು ನಂತರ ಕಾರಿನ ಚಾಲಕನನ್ನು ಬೆದರಿಸಿ ಕಾರುಗಳನ್ನು ಕಳವು ಮಾಡಿಕೊಂಡು ಹೋಗುತ್ತಿದ್ದ ಅಪರಾಧಿಗಳನ್ನು ಮುಳಬಾಗಿಲು ಪೊಲೀಸರು ಬಂಧಿಸಿರುತ್ತಾರೆ. ಇಂತಹುದೇ ಘಟನೆಯ ಬಗ್ಗೆ ಇತ್ತೀಚೆಗೆ ಮುಳಬಾಗಿಲು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ಕೂಡಲೇ ಕಾರ್ಯಾಚರಣೆಗೆ ಇಳಿದ ಪೊಲೀಸರು ಸುತ್ತ ಮುತ್ತಲ ಠಾಣೆಗಳಿಗೆ ಮಾಹಿತಿಯನ್ನು ನೀಡಿದ್ದರು. ಇದರ ಪರಿಣಾಮ ಕೆ.ಜಿ.ಎಫ್ ಬೇತಮಂಗಲ ಪೊಲೀಸ್ ಠಾಣೆಯ ವ್ಯಾಪ್ತಿಯಲ್ಲಿದ್ದ ಹೈವೇ ಪೆಟ್ರೋಲಿಂಗ್ ಪೊಲೀಸರು ಆರೋಪಿಗಳನ್ನು ಹಿಡಿದಿರುತ್ತಾರೆ. ನಂತರ ಮುಳಬಾಗಿಲು ಪೊಲೀಸರು ಆರೋಪಿಗಳನ್ನು ವಶಕ್ಕೆ ಪಡೆದು ಕೊಂಡಿರುತ್ತಾರೆ.

ಕೋಲಾರ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳಾದ ಡಾ.ರೋಹಿಣಿ ಕಟೋಚ್ ಸೇಪತ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕರಾದ ಶ್ರೀ ರಾಜೀವ್ ಹಾಗೂ ಮುಳಬಾಗಿಲು ಡಿ.ಎಸ್.ಪಿ ರವರಾದ ಶ್ರೀ ಬಿ.ಕೆ.ಉಮೇಶ್  ರವರ ಮಾರ್ಗದರ್ಶನದಲ್ಲಿ ಮುಳಬಾಗಿಲು ಸಿ.ಪಿ.ಐ ಶ್ರೀ ಸುಧಾಕರ ರೆಡ್ಡಿ ರವರ ನೇತೃತ್ವದಲ್ಲಿ ಮುಳಬಾಗಿಲು ನಗರ ಪಿ.ಎಸ್.ಐ ರವರಾದ ಭೈರ ಹಾಗೂ ಮುಳಬಾಗಿಲು ಗ್ರಾಮಾಂತರ ಪೊಲೀಸ್ ಠಾಣೆಯ ಪಿ.ಎಸ್.ಐ ರವರಾದ ಶ್ರೀ ಗೋವಿಂದ ರವರು ತಮ್ಮ ಸಿಬ್ಬಂದಿಯವರ ನೆರವಿನೊಂದಿಗೆ ಆರೋಪಿಗಳನ್ನು ಬಂದಿಸಿ ವಿಚಾರಣೆ ಮಾಡಿ ಇವರ ನೀಡಿದ ಸುಳಿವಿನ ಮೇರೆಗೆ ಒಟ್ಟು ರೂ. ೩೮,೦೦,೦೦೦-೦೦ ಲಕ್ಷ ಬೆಲೆ ಬಾಳುವ  ಮೂರು ಟೊಯೋಟಾ ಇಟಿಯೋಸ್ ವಾಹನಗಳು, ಒಂದು ಇನ್ನೋವಾ ವಾಹನವನ್ನು ವಶಪಡಿಸಿಕೊಳ್ಳಲಾಗಿರುತ್ತದೆ.

ಬಂಧಿತ ಆರೋಪಿಗಳ ವಿವರ

೧. ವಿಷ್ಣು ಕುಮಾರ್‍ @ ವಿಷ್ಣು ಬಿನ್ ಶ್ರೀನಿವಾಸರೆಡ್ಡಿ, ೨೫ ವರ್ಷ, ಕಾರ್‍ ಚಾಲಕ ವೃತ್ತಿ, ಕರೆಮಿಂಡಹಳ್ಳಿ, ರಾಮಸಾಗರ ಪೋಸ್ಟ್, ಕ್ಯಾಸಂಬಳ್ಳಿ, ಬಂಗಾರಪೇಟೆ ತಾಲೂಕು

೨. ಮಧುಕುಮಾರ್‍ ಬಿನ್ ರಾಮರೆಡ್ಡಿ, ನಂ೨೬, ಚಿನ್ನಪ್ಪನ ಹಳ್ಳಿ, ಮಾರತ್ ಹಳ್ಳಿ ಕಾಲೋನಿ, ಬೆಂಗಳೂರು ಉತ್ತರ.

Posted in ಪತ್ರಿಕಾ ಪ್ರಕಟಣೆಗಳು | ನಿಮ್ಮ ಟಿಪ್ಪಣಿ ಬರೆಯಿರಿ

ಕೊಲೆ ಪ್ರಕರಣ ಬೇಧಿಸಿದ ಮುಳಬಾಗಿಲು ಪೊಲೀಸರು

ದಿನಾಂಕ ೨೧-೦೭-೨೦೧೭ ರಂದು ಮುಳಬಾಗಿಲು ಎನ್.ಹೆಚ್ -೪ ರಸ್ತೆಯ ಕಪ್ಪಲಮಡಗು ಗ್ರಾಮದ ಗೇಟ್ ಬಳಿ ವಸಂತಕುಮಾರ್‍ ತಂದೆ ವಾಸುದೇವರಾಜು, ೩೪ ವರ್ಷ, ಎನ್.ಆರ್‍.ಐ ಬಡಾವಣೆ, ಕಲ್ಕೆರೆ, ಕೆ.ಆರ್‍.ಪುರಂ ಬೆಂಗಳೂರು ರವರ ಮೃತ ದೇಹ ದೊರೆತಿದ್ದು ಇದು ಮೇಲ್ನೋಟಕ್ಕೆ ಅಪಘಾತವಲ್ಲದೇ ಕೊಲೆ ಎಂದು ಕಂಡು ಬಂದ ಪರಿಣಾಮ ಮುಳಬಾಗಿಲು ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಕೊಲೆ ಪ್ರಕರಣ ದಾಖಲಾಗಿತ್ತು.

ಈ ಪ್ರಕರಣದ ಆರೋಪಿಗಳ ಪತ್ತೆಗಾಗಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳಾದ ಡಾ.ರೋಹಿಣಿ ಕಟೋಚ್ ಸೇಪತ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕರಾದ ಶ್ರೀ ರಾಜೀವ್ ಹಾಗೂ ಮುಳಬಾಗಿಲು ಡಿ.ಎಸ್.ಪಿ ರವರಾದ ಶ್ರೀ ಬಿ.ಕೆ.ಉಮೇಶ್  ರವರ ಮಾರ್ಗದರ್ಶನದಲ್ಲಿ ಮುಳಬಾಗಿಲು ಸಿ.ಪಿ.ಐ ಶ್ರೀ ಸುಧಾಕರ ರೆಡ್ಡಿ ರವರ ನೇತೃತ್ವದಲ್ಲಿ ಮುಳಬಾಗಿಲು ಗ್ರಾಮಾಂತರ ಪಿ.ಎಸ್.ಐ ರವರಾದ ಶ್ರೀ ಬಿ.ಟು.ಗೋವಿಂದ, ಮುಳಬಾಗಿಲು ನಗರ ಪೊಲೀಸ್ ಠಾಣೆ ಪಿ.ಎಸ್.ಐ ರವರಾದ ಶ್ರೀ ಬೈರ ಹಾಗೂ ಇತರೇ ಸಿಬ್ಬಂದಿಯವರನ್ನೊಳಗೊಂಡ ತಂಡವನ್ನು ರಚಿಸಲಾಗಿದ್ದು. ಈ ಪ್ರಕರಣವನ್ನು ಸವಾಲಾಗಿ ಸ್ವೀಕರಿಸಿದ ತಂಡವು ಕಾರ್ಯಾಚರಣೆ ನಡೆಸಿ ಈ ಕೆಳಕಂಡ ಆರೀಪಿಗಳನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿರುತ್ತಾರೆ.

(೧) ಲಕ್ಷ್ಮಿಕಾಂತ ತಂದೆ ನಾರಾಯಣಪ್ಪ, ೩೮ ವರ್ಷ, ವಕ್ಕಲಿಗರು, ಫೈನಾನ್ಸ್ ಕೆಲಸ, ೪ ನೇ ಕ್ರಾಸ್, ಪ್ರಿಯದರ್ಶಿನಿ ಲೇಔಟ್, ದೇವಸಂದ್ರ, ಕೆ.ಆರ್‍.ಪುರಂ, ಬೆಂಗಳೂರು.

(೨) ಮಹೇಶ್ ಕುಮಾರ್‍.ಎನ್ ತಂದೆ ನಾರಾಯಣಸ್ವಾಮಿ, ೩೩ ವರ್ಷ, ಯಾದವ ಜನಾಂಗ, ಫ್ಲೈ ವುಡ್ ವ್ಯಾಪಾರ, ನಂ.೧೫೯, ೧ ನೇ ಕ್ರಾಸ್, ವಿಜಯ ಬ್ಯಾಂಕ್ ಕಾಲೋನಿ, ಬಸವಪುರ ಮೈನ್ ರೋಡ್, ಕೆ.ಆರ್‍.ಪುರಂ, ಬೆಂಗಳೂರು.

ಆರೋಪಿಗಳು ನೀಡಿದ ಸುಳಿವಿನ ಮೇರೆಗೆ ಕೊಲೆ ಮಾಡಲು ಉಪಯೋಗಿಸಿದ್ದ ಚಾಕು, ಹಗ್ಗ, ಎರಡು ಕಾರ್‍ ಹಾಗೂ ಒಂದು ದ್ವಿಚಕ್ರವಾಹನವನ್ನು ವಶಪಡಿಸಿಕೊಳ್ಳಲಾಗಿರುತ್ತದೆ. ಮೇಲ್ಕಂಡ ಆರೋಪಿಗಳ ಪೈಕಿ ಲಕ್ಷ್ಮಿಕಾಂತ ಎಂಬುವನು ಮೃತ ವಸಂತ ಕುಮಾರ್‍ ರವರ ತಂಗಿಯ ಗಂಡನಾಗಿದ್ದನು. ತನ್ನ ಹೆಂಡತಿಗೆ ಜಮೀನಿನಲ್ಲಿ ಭಾಗ ಗೊಡಲಿಲ್ಲ ಎಂಬ ಕಾರಣಕ್ಕಾಗಿ ವಸಂತಕುಮಾರ್‍ ನನ್ನು ಕೊಲೆ ಮಾಡುವಂತೆ ಮಹೇಶ್ ಕುಮಾರ್‍, ಗೊಣ್ಣೆ ಕುಮಾರ, ಡಾಮ್ನಿಕ್ ಕುಮಾರ ಹಾಗೂ ಕೋರಂಗ ಎಂಬುವರಿಗೆ ೭೫,೦೦೦ ರುಪಾಯಿಗಳಿಗೆ ಸುಪಾರಿ ನೀಡಿದ್ದರು. ದಿನಾಂಕ ೨೧-೦೭-೨೦೧೭ ರಂದು ಆರೋಪಿಗಳು ವಸಮತಕುಮಾರ್‍ ನನ್ನು ಅಪಹರಸಿಕೊಂಡು ಬಂದು ಎನ್.ಹೆಚ್ ೭೫ ರಸ್ತೆಯ ಮುದಿಗೆರೆ ಸಮೀಪದಲ್ಲಿ ವಸಂತಕುಮಾರ್‍ ನ ಕುತ್ತಿಗೆಗೆ ಹಗ್ಗ ಬಿಗಿದು ಕೊಲೆ ಮಾಡಿ ನಂತರ ಇದು ಅಪಘಾತವೆಂಬುವಂತೆ ಬಿಂಬಿಸಲು ಕಪ್ಪಲಮಡಗು ಗ್ರಾಮದ ಎನ್.ಹೆಚ್ ೭೫ ರಸ್ತೆಯಲ್ಲಿ ಮೃತದೇಹವನ್ನು ಬಿಸಾಕಿ ಹೊರಟುಹೋಗಿರುತ್ತಾರೆ.

ಕಾರ್ಯಾಚರಣೆ ನಡೆಸಿದ ಪೊಲೀಸ್ ಅಧಿಕಾರಿ ಹಾಗೂ ಸಿಬ್ಬಂದಿಯವರನ್ನು ಪೊಲೀಸ್ ವರಿಷ್ಠಧಿಕಾರಿಗಳು ಪ್ರಶಂಸಿರುತ್ತಾರೆ.

Posted in ಪತ್ರಿಕಾ ಪ್ರಕಟಣೆಗಳು | ನಿಮ್ಮ ಟಿಪ್ಪಣಿ ಬರೆಯಿರಿ

ಸುಧಾರಿತ ಗಸ್ತು ವ್ಯವಸ್ಥೆಯ ಸದಸ್ಯರ ಸಭೆ: ಕೋಲಾರ ನಗರ

ಕೋಲಾರ ಜಿಲ್ಲೆಯ  ಕೋಲಾರ ನಗರ ಪೊಲೀಸ್ ಠಾಣೆ ಸರಹದ್ದಿನ ಸುಧಾರಿತ ಗಸ್ತು ವ್ಯವಸ್ಥೆಯ ಸದಸ್ಯರ ಸಭೆಯನ್ನು ಯಶಸ್ವಿಯಾಗಿ ನಡೆಸಲಾಯಿತು.ಸಭೆಯಲ್ಲಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ  ಡಾ.ರೋಹಿಣಿ ಕಟೋಚ್ ಸೇಪತ್  ಅವರು ಅಧ್ಯಕ್ಷತೆ ವಹಿಸಿ, ಕಾರ್ಯಕ್ರಮವನ್ನು ಜ್ಯೋತಿ ಬೆಳಗುವ ಮೂಲಕ ಉದ್ಘಾಟಿಸಿ, ಹೊಸ ಬೀಟು ವ್ಯವಸ್ಥೆಯ ಉಪಯುಕ್ತತೆಯ ಕುರಿತು ವಿವರಿಸಿದರು.

ಪ್ರತಿಯೊಂದು ಗ್ರಾಮ, ಹೋಬಳಿ, ಬಡಾವಣೆಗಳಿಗೆ ನೇಮಕಗೊಂಡಿರುವ ಬೀಟು ಪೊಲೀಸ್ ಅಧಿಕಾರಿಗಳು ನಿರ್ವಹಿಸಬೇಕಾದ ಕೆಲಸ ಕಾರ್ಯಗಳ ಕುರಿತು ವಿವರಿಸಿ, ಬೀಟು ಅಧಿಕಾರಿಯು ಆಯಾ ಸರಹದ್ದಿನಲ್ಲಿರುವ ಜನಸಾಮಾನ್ಯರ ಎಲ್ಲಾ ರೀತಿಯ ಕಷ್ಟಸುಖಗಳಿಗೆ ಸ್ಪಂದಿಸಬೇಕೆಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳು ಕರೆ ನೀಡಿದರು. ಪೊಲೀಸ್ ಠಾಣೆ ವ್ಯಾಪ್ತಿಯ ಎಲ್ಲಾ ಶಾಲಾ, ಕಾಲೇಜು, ಕಛೇರಿ, ಕಾರ್ಖಾನೆ ಸೇರಿದಂತೆ ವಿವಿಧ ಸಂಸ್ಥೆ, ಸಾರ್ವಜನಿಕ ಸ್ಥಳಗಳಲ್ಲಿ ಪೊಲೀಸ್ ಬಂದೋಬಸ್ತು ವ್ಯವಸ್ಥೆ ಮಾಡಿ, ಸಮಸ್ತ ನಾಗರೀಕರಿಗೆ ಪೊಲೀಸ್ ಇಲಾಖೆಯ ವತಿಯಿಂದ ಆಗಬೇಕಾದ ಎಲ್ಲಾ ಕೆಲಸ ಕಾರ್ಯಗಳನ್ನು ಈಗಾಗಲೇ ನಿಯೋಜನೆಗೊಂಡಿರುವ ಬೀಟು ಪೊಲೀಸ್ ಅಧಿಕಾರಿಯ ಮೂಲಕ ಮಾಡಿಸಿಕೊಡಬೇಕೆಂದು, ಇಲ್ಲವೇ ತಂತಮ್ಮ ಸಮಸ್ಯೆ ಕುರಿತು ಮೇಲಧಿಕಾರಿಗಳನ್ನು ಸಂಪರ್ಕಿಸುವಂತೆ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ರವರು ಕೋರಿದರು.

ಕಾರ್ಯಕ್ರಮದಲ್ಲಿ ಶ್ರೀ ರಾಜೀವ್,ಹೆಚ್ಚುವರಿ ಪೊಲೀಸ್ ಅಧೀಕ್ಷಕರು, ಕೋಲಾರ ಜಿಲ್ಲೆ, ಶ್ರೀ ಅಬ್ದುಲ್ ಸತ್ತಾರ್‍, ಡಿ.ವೈ.ಎಸ್.ಪಿ, ಕೋಲಾರ ಉಪವಿಭಾಗ, ಶ್ರೀ ಲೋಕೇಶ್ ಕುಮಾರ್‍, ಸಿ.ಪಿ.ಐ ಕೋಲಾರ ನಗರ ವೃತ್ತ, ಸ್ಥಳೀಯ ಸಂಸ್ಥೆಗಳ ಚುನಾಯಿತ ಪ್ರತಿನಿಧಿಗಳು, ಬೀಟು ಸದಸ್ಯರುಗಳು ಭಾಗವಹಿಸಿದ್ದರು. ಹೊಸ ಮಾದರಿ ಗಸ್ತು ವ್ಯವಸ್ಥೆಯ ಕುರಿತು ಸದಸ್ಯರುಗಳು ತಂತಮ್ಮ ಅಭಿಪ್ರಾಯಗಳನ್ನು ಮಂಡನೆ ಮಾಡಿದರು.

Posted in ಪತ್ರಿಕಾ ಪ್ರಕಟಣೆಗಳು | ನಿಮ್ಮ ಟಿಪ್ಪಣಿ ಬರೆಯಿರಿ